Moska, qyteti më i prekur në Rusi nga koronavirusi, parashikon se numri i rasteve të reja pritet të arrijë kulmin brenda dy ose tre javëve të ardhshme, deklaroi nënkryetarja e bashkisë, Anastasia Rakova.
Rastet e regjistruara me koronavirus në Rusi janë rritur në mënyrë eksponenciale që nga fillimi i këtij muaji, duke u rritur më shumë se 1 000% në 32 000, nga 2 700 raste nga 1 prilli.
“Javët e ardhshme do të jenë më të vështirat për Moskën”, deklaroi Rakova, duke shpjeguar se ngarkesa e sistemit të kujdesit shëndetësor të Moskës është rritur në mënyrë eksponenciale.
Zyrtarët rusë po shpejtojnë për të vendosur masa izolimi në të gjithë vendin, pas Moskës, ku janë regjistruar pjesa më e madhe e rasteve.
Presidenti rus, Vladimir Putin paralajmëroi këtë javë se zyrtarët duhet të përgatiten për një skenar të rastit më të keq.
