Jeff Bezos, një nga njerëzit më të pasur në botë, po largohet nga Amazon, duke lënë një trashëgimi të qëndrueshme pasi e nisi me shitje librash në internet nga një garazh në Seattle dhe shndërroi projektin e tij në një nga korporatat më të fuqishme të botës.
57-vjeçari njoftoi në shkurt se do të largohej si CEO i Amazon në tremujorin e tretë të këtij viti.
Agjencitë e huaja raportuan se pronari dhe themeluesi i kompanisë do t’ia linte luftën me punëtorë të pakënaqur pasardhësit të tij Andy Jassy, për të pasur më shumë kohë për filantropi, redaktim gazetash dhe duele hapësinore me Elon Musk, njeriu që e dëboi atë nga pozita e njeriu më i pasur në botë në fillim të këtij viti.
Ai, megjithatë, do të mbajë një nga rolet kryesore në departamentet e teknologjisë dhe shitjeve elektronike në atë gjigand biznesi, të cilin ai e nisi 27 vjet më parë.
Për 20 korrik, Bezos njoftoi gjithashtu një udhëtim në hapësirë.
Kritikat e kushteve të punës dhe shkatërrimi i konkurrencës
Bashkëpunëtorët e tij e festojnë atë si një novator të shkëlqyeshëm në fushën e shitjeve të librave, shitjes me pakicë në internet, llogaritjes në re dhe shpërndarjes në shtëpi, por nga ana tjetër ai është i satanizuar për shkak të qëndrimit dhe trajtimit të punëtorëve, deri në një milion prej tyre, dhe praktika të caktuara biznesi që shkatërruan konkurrencën.
Gjiganti botëror i shitjes me pakicë në internet në kohën e pandemisë regjistroi fitime në rritje, por edhe kritika ndaj efektivitetit të masave të sigurisë të përdorura për të mbrojtur shëndetin e punonjësve, disa prej të cilëve u pushuan nga puna pas kritikave ndaj Bezos.
Prandaj, një gjykatë në Nanterre, Francë, në prill 2020, urdhëroi mbylljen e përkohshme të të gjashtë depove të Amazon në Francë dhe ndaloi të gjitha dërgesat përveç atyre të nevojshme.
Kompania ka qenë nën kritika në të gjithë botën për dështimin në mbrojtjen e punëtorëve gjatë pandemisë COVID-19 dhe British Guardian ka shkruar për “dhjetëra depo të Amazonës që janë bërë grupe infeksionesh”, përfshirë në Staten Island në New York City.
Në SHBA, Amazon punëson më shumë se 800,000 njerëz.
Për kritikat ndaj kushteve të punës, Bezos përgjigjet se ata ishin paguar minimumi 15 dollarë në orë, por ata kundërshtojnë fiksimin e tij me efikasitet dhe e akuzojnë atë për trajtimin e punëtorëve si makineritë.
Ai gjithashtu nuk lejon formimin e sindikatave, por pas kritikave të ashpra, ai premtoi se Amazon do të bëhej “punëdhënësi më i mirë në botë”.
Vlera e tregut të Amazon sot është më shumë se 1.7 trilionë dollarë.
Në vitin 2020, kompania regjistroi të ardhura vjetore prej 386 miliardë dollarë nga shitjet elektronike, llogaritja në re, inteligjenca artificiale dhe prodhimi i filmit.
Rritja e shpejtë e Amazon e ka bërë Bezos një nga njerëzit më të pasur në botë dhe aktualisht është “me vlerë” 200 miliardë dollarë, edhe pas divorcit në 2019 me gruan e tij MacKenzie Scott, i cili zotëronte 25 për qind të aksioneve të Amazon, atëherë me vlerë 38 miliardë dollarë.
Pas largimit nga detyra si CEO dhe menaxhim i përditshëm i Amazon, Bezos do të përqendrohet më shumë në kompaninë e tij të eksplorimit hapësinor Blue Origin.
Më 20 korrik, me një raketë dhe një kapsulë “The New Shepard”, e krijuar për gjashtë pasagjerë, ajo duhet të ngrihet në një lartësi prej më shumë se 100 kilometra mbi sipërfaqen e Tokës.
Në vitin 2013, ai bleu të përditshmen The Washington Post.
Ai pretendon se dëshiron t’i kushtojë gjithnjë e më shumë luftës kundër ndryshimit të klimës, por aktualisht, pas raporteve të mediave, ai po përballet me kritika se nuk ka paguar taksë mbi të ardhurat për disa vjet.
