21-vjeçari Aldi Rama, i cili vrau efektivin Saimir Hoxha me më pas pati edhe vetë fund tragjik do të përcillet sot për në banesën e fundit në Durrës. Nëna e tij hapi dyert e mortit, ndërsa ajo që bie në sy është fakti se asnjë familjar nuk u paraqit në spital dhe në morg. Trupi i të riut u tërhoq nga agjencia funerale.
Në studion e “Abc live”, duke diskutuar këtë ngjarje, gazetari Artan Hoxha thotë se 21-vjeçari u rrit në një familje jo normale. Hoxha tha se kur ishte vetëm 9 vjeç, Aldi dhe vëllai i tij kanë qenë prezent kur i ati ka kërcënuar të ëmën me motorsharrë.
“Kjo është një gjë e cila do të na shqetësojë për ta trajtuar edhe në vijim. Vetë portreti i të ndjerit është i tillë. Një fëmijë i rritur në një situatë jo normale familjare. Ishte një njeri që ka përjetuar një traumë në moshën e adoleshencës së hershme dhe u reflektua në një situatë që ndodhemi tani. Drama që kanë patur prindërit e tij dhe mënyra si janë rritur. E ëma ka humbur kontrollin mbi fëmijët sepse nuk është lejuar ti ketë. I ati ka dhunuar në prezencë të tyre, kur Aldi ishte vetëm 9 vjeç dhe vëllai 11, të ëmën me motorrsharrë, nga ai moment e mbrapa është prishur kjo familje.
Sigurisht në një situatë të tillë. Momentin e parë që ka ndodhur ngjarja kam kërkuar nëpër skedarë ku jetonte ky personazh. Më rezultonte që ky personazh jetonte në Durrës, ndërkohë duke kërkuar m vonë doli te gjyshi në Lezhë, pastaj në Librazhd. Dhe policia kishte paqartësi ku e kishte adresën fikse. Po kërkohej adresa se po kërkoheshin familjarët që ta telefononin. U vu në vështirësi edhe policia sepse nuk po gjenin pikë kontakti që ti thonin dorëzohu,” u shpreh gazetari.
“Aldi Rama qëlloi veten pa dashje disa orë para se të gjendej nga policia, nuk pati negociata”
Gazetari Artan Hoxha në një bisedë në “ABC Live” me Juli Xhokaxhi ka deklaruar se nuk ka asnjë gjasë që Aldi Rama, i riu që vrau Saimir Hoxhën në krye të detyrës, të jetë qëlluar nga policia. Hoxha deklaroi se ai mund të ketë qëlluar veten që në momentin e parë që janë dëgjuar të shtëna dhe përgjatë gjithë operacionit të RENEA-s nuk ka pasur negociata pasi i riu ka qenë pa ndjenja gjatë gjithës kohës.
“Personi në fjalë nuk qëlluar nga policia, por nge shenjat që ka nuk tregojnë që ka tentuar të vrasë veten me qëllim. Kur dikush vret veten synon mjekrën nga poshtë lart, synon në gojë ose në ballë, gjen një pozicion të shkaktojë vdekje të menjëhershme. Efektivët thanë që kishin dëgjuar të shtëna arme gati një orë e gjysmë përpara. Aldi Rama duhet të kishte goditur veten shumë kohë përpara se të shkonte policia atje. Kjo shpjegon faktin që ai nuk ka tentuar të vrasë veten. Ai ka rrëshqitur dhe mund t’i ketë lëvizur dora. Është goditur në një cep të kokës dhe ka një drejtim të çuditshëm. Snajperi ka fuqi të madhe dhe nuk ngelet në kokë.
Nuk është vrarë me armë policie. Fakti që janë gjetur faktorë plotësues shenja të barutit tregon që është goditur nga fare afër, nga dora e tij. Predhat dalin nuk ngelen në kokë. Distanca e afërt ka bërë që ajo të mbetet në kokën e të ndjerit. Viktima nuk ka qenë i freskët. Është tentuar të negociohej, nuk është përgjigjur sepse ka qenë i goditur në kokë që në momentet e para. RENEA gjeti njeriun aty ku ishin dëgjuar të shtëna. Ai nuk u përgjigj në asnjë moment. Nuk është negociuar fare sepse nuk kanë pasur mundësi të flisnin me të. Ai ka qenë jo koshient. Kjo është një rrethanë që dëshmon se ai nuk është goditur nga policia. Kjo mund të jetë aksidentale”, tha Artan Hoxha.
Ndalur te dinamika e vrasjes së Saimir Hoxhës, gazetari deklaroi se ata kanë ndaluar makinën ku po udhëtonte Aldi Rama dhe dy miqtë e tij për një kontroll rutinë pa e menduar se njëri prej tyre ishte i armatosur.
“Kishte kohë që policia e Shtetit nuk kishte pasur humbje jetësh. Kjo ngjarje më ngjan me ngjarjen e vitit 2015 ku u vra Ibrahim Basha. E njëjta situatë sepse është fryma që kultivohet te këta të rinj që merren me një aktivitet të paligjshëm. olicia shqiptare zhvillon me dhjetëra veprime policore nga Konispoli deri në Malësi të Madhe me dhjetëra operacione për kanabis. RENEA ka gjithsej 80 trupa operacionale. Nëse sot bën operacion komisariati i Delvinës dhe ai i Hasit ku të shkojë më parë RENEA.
Në makinë kanë pasur 9 bimë kanabisi me vete. Ata detyrën për atë ditë e kishin përmbushur. Gjatë rrugës kanë parë një makinë që nuk ka shumë lëvizje në atë orë të ditës. Duke qenë se nuk kanë gjetur njerëz te parcela kanë menduar se të rinjtë kanë lidhje me kanabisin. Ata kanë ndaluar në rrugë dhe kanë hapur krahun. Dy oficerët e policisë janë hapur njëri në krahun e pasagjerit para dhe tjetri në krahun shoferit. Ai që shkon në pjesën e pasagjerit mbrapa është Saimir Hoxha. Dy të rinjtë e parë kanë dalë nga makina dhe kanë nxjerrë dokumentin e identifikimit. Ndërsa Aldi Rama ka nxjerrë pistoletën”, tha ai.
