Presidenti i zgjedhur i Shteteve të Bashkuara, Joe Biden, ka deklaruar se paketa e ndihmës për qytetarët si një përgjigje kundër krizës së shkaktuar nga COVID-19 do të jetë shumë e madhe.
Biden, i cili pritet të marrë detyrën më 20 Janar, tha se situata aktuale ka shkaktuar vuajtje tek qytetarët dhe shtoi se nuk ka kohë për të humbur në adresimin e problemeve.
“Nuk është e vështirë të shohësh se jemi në mes të një krize ekonomike, që ndodh një herë në disa breza, së bashku me një krizë të shëndetit publik, që ndodh një herë në disa breza”, tha Biden.
Paketa e ndihmës së propozuar nga administrata e tij përfshin 415 miliardë dollarë për të forcuar përgjigjen ndaj virusit dhe shpërndarjen e vaksinave, rreth 1 trilion dollarë ndihmë të drejtpërdrejtë për familjet dhe afërsisht 440 miliardë dollarë për bizneset e vogla dhe komunitetet që janë goditur veçanërisht nga pandemia.
Kjo paketë pritet të miratohet shpejt, pasi demokratët kanë marrë kontrollin si në Dhomën e Përfaqësuesve dhe në Senat.
