Beteja e gjatë juridike me Amber Heard, dhe ajo e humbur më vonë kundër “Sun”, që e akuzoi atë si një “dhunues grash”, ishin ngjarje vendimtare që goditën karrierën e Johnny Depp. Në një intervistë për Sunday Times”, aktori shprehu pakënaqësinë dhe zhgënjimin e tij ndaj Hollivudit, i cili thuhet se po përpiqet të bojkotojë filmin e tij të fundit, “Minamata”, i cili u shfaq premierë në Berlinale në vitin 2020, por më pas u bllokua nga shpërndarja në kinema.
Në transformimin e tij të fundit në aktrim, Depp luan Eugene Smith, një fotoreporter lufte për “Life” i cili, në fillim të viteve 1970, denoncoi helmimin nga merkuri në dëm të natyrës dhe banorëve të Minamata-s, një fshati i vogël peshkatar japonez.
Duke folur për filmin, Depp shpjegoi për revistën britanike se ai u kishte premtuar vendasve të mos spekulonin mbi historitë e tyre: “Ne i pamë këta njerëz në sy dhe u premtuam atyre se ne nuk do të ishim shfrytëzues dhe se filmi do të ishte i respektueshëm. Unë mendoj se ne e mbajtëm anën tonë të marrëveshjes, por në anën tjetër duhej ta kishin mbajtur edhe ata”.
Aktori më pas shtoi se disa filma i prekin njerëzit thellë dhe kjo gjë ndodhi me banorët e Minamata-s dhe me të gjithë ata që kanë përjetuar ngjarje të tilla. “Dhe Hollivudi po përpiqet ta bojkotojë atë, ndoshta për shkak të aktorit kryesor dhe situatës së keqe që ai është. Sa herë ka ndodhur kjo tashmë?“.
Muajin e kaluar në një letër të hapur të botuar në Deadline, regjisori i filmit Andreë Leëis akuzoi MGM se “donte ta varroste” filmin për shkak të problemeve të vazhdueshme personale të Depp, duke thënë se produksioni ishte i shqetësuar që “problemet personale të një aktori në film mund të reflektojnë negativisht mbi ta”, duke akuzuar më vonë MGM se nuk respektonte detyrimin moral për të publikuar filmin dhe duke kërkuar t’u shpjegonte viktimave ”pse mendoni se jeta personale e një aktori është më e rëndësishme se fëmijët e tyre të vdekur“. Regjisori përsëriti se “filmi duhet parë dhe mbështetur. Nëse një gjë e tillë nuk ndodh, është përgjegjësia ime ta theksoj atë. Ne kemi disa ndaj viktimave të kësaj historie!“.
Ndërkohë, pasi doli lajmi se Johnny Depp do të marrë Çmimin e Karrierës në Festivalin Ndërkombëtar të Filmit në San Sebastián (si “një nga aktorët më të talentuar dhe të gjithanshëm në kinemanë bashkëkohore”), menjëherë u shfaqën polemika të shumta në SHBA dhe në Spanjë. Shoqata Spanjolle e Kinematografëve drejtoi gishtin në zgjedhjen e festivalit. Kështu drejtori i Festivalit iu përgjigj akuzave: “Sipas informacioneve të besueshme që kemi në dispozicion, Johnny Depp nuk është arrestuar dhe nuk është dënuar për asnjë formë sulmi ose dhune ndaj ndonjë gruaje”, tha José Luis Rebordinos.
