Ka një atmosferë shumë e tensionuar te Juventusi, pas gabimit në shtëpi kundër Beneventos. Një provë e pamjaftueshme nga të gjithë bardhezinjtë, nënvizuar ashpër nga Andrea Pirlo në deklaratat pas ndeshjes.
Në mjedisin e Juventusit ka zemërim për modalitetin e një disfate të papritur, e cila arriti kulmin e një sjelljeje aspak të përshtatshme për rëndësinë e objektivit. Ëndrra e titullit papritmas është thërrmuar dhe tashmë ka nga ata që flasin për një revolucion, si rruga e vetme për të ndryshuar ingranazhet në të ardhmen.
Për të ushqyer një situatë jo të qetë vjen edhe një episod i raportuar nga “La Stampa”, e cila i referohet asaj që ka ndodhur në dhomën e zjarrtë të zhveshjes së “Zonjës së Vjetër”, menjëherë pas fishkëllimës së trefishtë. Britmat dhe fyerjet ishin dëshmi e një tensioni maksimal, çka i shqetëson tifozët përpara pjesës finale të sezonit.
Përveç kësaj, mendohet se ka pasur edhe një konfrontim midis Pirlo dhe presidentit Agnelli. Nëse më 9 mars trajneri shfaqej i sigurt dhe i bindur për të vazhduar përvojën e tij në stolin e Juventusit, përsëri sipas asaj që raporton gazeta piemonteze, tani gjithçka mbetet pezull. Trajneri është në fije të perit, me vetëdijen e plotë se nuk mund t’i tolerohen më shkarje të tjera të këtij lloji.
Pirlo është thirrur të ndryshojë ritmin, duke filluar nga ndeshja tjetër, në mënyrë që të mos “mohojë” drejtorin Paratici, i cili e konfirmoi atë për shkak të vazhdimësisë së projektit, të nisur verën e kaluar.
