4 mina me telekomandë, gati për t’u shitur u sekuestruan nga policia e Durrësit gjatë operacionit të koduar “Furnitori”.
Në kuadër të këtij operacioni u arrestua në flagrancë shtetasi Arben Elezi, 50 vjeç, banues në fshatin Larushk të Fushë Krujës.
Shërbimet e policisë e ndaluan Arben Elezin në Shkafanë dhe gjatë kontrollit fizik i gjetën dhe sekuestruan në cilësinë e provës materiale 4 mina me telekomandë të lidhura me aparat celular, të cilat ky shtetas do t’i shiste kundrejt shumës 10.000 euro.
Materialet i kaluan Prokurorisë së Rrethit Gjyqësor Durrës, për veprime të mëtejshme.
