Policia e Fierit ka identifikuar dhe arrestuar shoferin që përplasi për vdekje me makinë një 24-vjeçar me biçikletë mbrëmjen e së enjtes në fshatin Qenas të Fierit.
I arrestuari është një 28-vjeçar me iniciale K.M. nga Fieri. Ai përplasi për vdekje me makinën e tij tip Fiat 24-vjeçarin me iniciale Q.M., i cili lëvizte me biçikletë.
Pas aksidentit, i riu u largua nga vendngjarja. Ai akuzohet për shkelje të rregullave të qarkullimit rrugor dhe largim nga vendi i aksidentit.
