Policia e Tiranës ka arrestuar 32-vjeçarin me iniciale E.K për vjedhje biçikletash në kryeqytet.
Gjatë operacionit “Twenty two”, u shpallën në kërkim edhe bashkëpunëtorët e tij, shtetasi F. B. dhe E. B.
32-vjeçari u kap në flagrancë një ditë më parë në rrugën “Nikolla Lena”, duke vjedhur biçikletën e shtetasit I. D.
Ndërkohë nga hetimet ka rezultuar se i riu në bashkëpunim me shtetasit F. B. dhe E. B., gjatë vitit 2022, kanë vjedhur 22 biçikleta në zona të ndryshme të Tiranës, të cilat më pas ia kanë shitur shtetasit A. D.
Policia ka sekuestruar 22 biçikletat e vjedhura.
Vijon puna për dokumentimin e vjedhjeve të tjera, që mund të jenë kryer nga këta shtetas.
