Një 26-vjeçar në Elbasan është arrestuar në flagrancë nga policia teksa qarkullonte i armatosur në lagjen “Luigj Gurakuqi”.
I riu me iniciale R.B. i konstatua nga një polic jashtë shërbimit, i cili i bëri thirrje. Në këtë moment, 26-vjeçari kërcënoi me armë policin për ta vrarë.
Punonjësi i policisë njoftoi kolegët dhe në vendngjarje mbërritën menjëherë forcat “Shqiponja” të cilat bënë të mundur neutralizimin dhe arrestimin e 26-vjeçarit.
Këtij të fundit iu sekuestrua pistoleta dhe municioni.
26-vjeçari akuzohet për kanosje për shkak të detyrës dhe armëmbajtjes pa leje.
