Kina hapi në mënyrë të pjesshme atë që cilësohet si hidrocentrali i dytë në botë për kapacitet. Bëhet fjalë për hidrocentralin Baihetan, i ndërtuar mbi lumin Jinsha për të tentuar objektivin madhor të autonomisë energjetike.
Një mision pothuajse i pamundur, në një vend me një popullsi që po shkon tek 1.4 miliard banorë. Por qeveria komuniste në Pekin është optimiste që vënia në funksion i hidrocentraleve do të kufizojë të paktën përdorimin e qymyrit, një nga shkaqet kryesore të ndotjes mjedisore në vendin aziatik.
Sipas përllogaritjeve, vënia në funksion i këtij hidrocentrali do të kursejë përdorimin e rreth 20 milionë tonelata qymyr, ndërkohë që kapaciteti i hidrocentralit do të jetë 16 milionë kilovatë, i ndarë në 16 gjeneratorë. Dy prej këtyre u përuruan pikërisht këtë javë, në kuadër të 100-vjetorit të themelimit të Partisë Komuniste kineze.
Edhe hidrocentrali më i madh në botë ndodhet në Kinë, jo larg nga Baihetani.
Bëhet fjalë për hidrocentralin e Tre Grykave, në lumin Yangtze, me kapacitet 22 milionë kilovatë.
