Një kryq i madh i kuq mbi 2020. Dhe një titull domethënës: “The worst year ever”. “Viti më i keq ndonjëherë”. Kjo është kopertina me të cilën ‘Time’, e përjavshmja amerikane që çdo dhjetor zgjedh “Personazhin e Vitit”, do të dalë për botim të hënën, më 14 dhjetor.
“Kjo është historia e një viti që nuk do të dëshironi ta rishikoni kurrë. Ka pasur vite më të këqija në historinë e Shteteve të Bashkuara, dhe sigurisht vite më të këqija në historinë e botës, – fillon artikulli hapës, që i është besuar kritikes së filmit, Stephanie Zacharek, – por shumica prej nesh, që jemi gjallë sot, nuk e kemi parë kurrë diçka të tillë. Duhet të jesh mbi 100 vjeç për të kujtuar shkatërrimin e Luftës së Parë Botërore dhe pandeminë e gripit spanjoll të vitit 1918; rreth 90 vjeç për të kuptuar privimin ekonomik të shkaktuar nga Depresioni i Madh; dhe mbi 80 vjeç për të mbajtur mend Luftën e Dytë Botërore dhe tmerret e saj”.
Prandaj Zacharek shprehet se pjesa tjetër e popullsisë, si një fëmijë që nuk kishte rrota për të mësuar të ngiste biçikletën, nuk ishte e gatshme të përballej “me një virus që filloi, ndoshta, nga një lakuriq nate i vetëm dhe përfundoi duke tronditur jetën e të gjithëve në planet dhe arriti të vrasë rreth 1.5 milionë njerëz”.
Në artikullin e revistës theksohet se 2020 do të mbahet mend edhe për “përsëritjen e katastrofave natyrore. Ka gjithashtu referenca për vdekjen e figurave të tilla si Ruth Bader Ginsburg, John Lewis, Kobe Bryant, Chadwick Boseman dhe George Floyd.
Por jo gjithçka duhet hedhur poshtë. “Ne kemi mësuar shumë në vitin 2020, por çfarë mësuam saktësisht?”, Pyet më pas autori.
“Ne mësuan të ecim më ngadalë. Mësuam se çfarë ishte e rëndësishme. Ne kemi luajtur lojëra tavoline dhe enigma dhe me të vërtetë pas shumë kohësh në biseduan dhe dëgjuam fëmijët tanë”.
Gjatë pandemisë ne mësuam të rivlerësojmë edhe njëherë gjërat e vogla, si një shëtitje në parqe atëherë kur na u tha se nuk lejohej, të pinim një gotë verë me një mik atëherë kur të gjitha lokalet ishin të mbyllura.
Për më tepër “kishim më shumë kohë për t’u njohur më mirë me njëri-tjetrin” dhe mbi të gjitha është koha të tregohemi falënderues nëse ne dhe të dashurit tanë jemi të shëndetshëm. Dhe gjithmonë nuk duhet të harrojmë të jemi optimistë për të ardhmen.
“Personazhi i Vitit”
Nëse kjo është premisa, kurioziteti për të gjetur se kush do të jetë “Personazhi i Vitit” 2020 vetëm mund të rritet.
Në çfarë do të përqendrohet “Time”? Në një ose më shumë figura të lidhura me Covid-19 apo do të kërkojë efektin surprizë? Do të zbulohet të enjten në mbrëmje, kur një speciale televizive do të transmetohet në NBC. Si gjithmonë, vendimi do të përcaktohet nga gazetarët e revistës, por midis alternativave të ofruara jozyrtarisht në internet për lexuesit janë, ndër të tjera, Anthony Fauci, Organizata Botërore e Shëndetësisë, punëtorë thelbësorë (mjekë, infermierë, shoferë ambulancash, punonjësit e supermarketeve dhe kështu me radhë), Joe Biden, Kamala Harris, Xi Jinping, Jack Dorsey, Eric Yuan, Jeff Bezos, krijuesit e TikTok dhe aktivistët e Black Lives Matter.
