Në pasigurinë totale në lidhje me pushimet verore – saktësisht pas dy muajsh – kërkimet për apartamente me hapësira të mëdha të hapura kanë shënuar një “boom” në Itali, raporton La Stampa.
Italia është ende në fazën 1 dhe ajo vijuese nuk parashikon hapjen e bizneseve. Restorantet, baret dhe hotelet, janë të prekur thellësisht nga kriza dhe presin rregulla për të kuptuar se si të sillen në rast të rihapjes. Dhe në këtë pritje të hutuar, ka nga ata që shpresojnë në mundësinë e shkuarjes me pushime nëse mundësia përfundimtare është një apartament privat.
Ka nga ata që mund të llogarisin në shtëpinë e dytë buzë detit ose në male dhe ata që kërkojnë ta marrin me qira. Sidomos në bashkitë bregdetare të Italisë. Në Siçili, Liguria dhe Toscana, kërkimet për shtëpi me qira me pishina janë katërfishuar, sipas faqes së internetit Casa.it. “Konkretisht, shpjegon shefi i saj Luca Rossetto, në 2 javët e para të Prillit në Palermo shtëpitë me një pishinë kërkohen 6 herë më shumë sesa në periudhën e mëparshme, ndërsa në Rivierën Liguriane është Santa Margherita që luan pjesën e luanit me një rritje të madje 43 herë. Forte dei Marmi ruan trendin e saj (+ 200%) dhe në përgjithësi në bregdetin e Livornos kërkesat janë 12 herë më të larta se fillimi i krizës”.
Gjithashtu kërkimet për shtëpi me kopshte janë në rritje, të cilat, sipas të dhënave Casa.it, “dyfishohen në Veneto, Campania dhe Lazio, Iesolo regjistron + 209%, e ndjekur nga Venecia me + 150%. Në Napoli, kërkesat janë trefishuar dhe Roma shënon ka një rritje prej 98%”. “Të dhënat – komenton Rossetto – i referohen një periudhe të shkurtër për një kategori shtëpish sigurisht që nuk janë të dëshirueshme për masën, por ato janë domethënëse dhe na japin shpresë për rimëkëmbjen e tregut të pasurive të patundshme në kohë jo biblike dhe na projektojnë në një epokë të re të turizmit” i sigurt“.
