Kandidatët e partive kryesore politike që garojnë në zgjedhjet e parakohshme parlamentare në Kosovë për kryeministër, ishin ndër të parët që ju drejtuan qendrave të votimit.
Lideri i Lëvizjes Vetëvendosje Albin Kurti, nuk mundi të jetë në listën zgjedhore si kandidat për deputet por shpreson te drejtojë qeverinë e re.
LDK ka në garë për kryeministër kandidatin Avdullah Hoti, kryeministri aktual në detyrë.
PDK konkurron me Enver Hoxhajn, që e udhëheq partinë, pas dorëheqjes së Kadri Veselit, i cili në Gjykatën Speciale po përballet me akuzat për krime lufte.
Ushtruesja e detyrës së presidentes Vjosa Osmani, iu bashkua listës Vetëvendosje dhe synon postin e presidentes.
Postin e presidentit e synojnë edhe Ramush Haradinaj i AAK-së dhe Behgjet Pacolli i AKR
Sfida e parë e parlamentit të ri kosovar që do të dalë nga këto zgjedhje do të jetë zgjedhja e qeverisë dhe presidentit te ri.
