Kryetarja e Partisë Lëvizja Socialiste për Integrim, Monika Kryemadhi, ka bërë një deklaratë të fortë, duke shprehur një qëndrim ndryshe nga ai i kreut të Partisë Demokratike, Lulzim Basha.
E ftuar në studion e rubrikës ‘Opinion’ në Neës 24, Kryemadhi deklaroi se LSI është e gatshme të shkojë në zgjedhje, me ose pa Ramën kryeministër. Ajo shtoi se nuk ka ndërmend t’i kushtëzojë zgjedhjet dhe se e vetmja zgjidhje është përballja me shtetin e kapur nga Edi Rama.
Në lidhje me zgjedhjet vendore të 30 qershorit, Kryemadhi tha se ato nuk ishin vetëm një tregues se 85 % e shqiptarëve e bojkotuan Ramën, por edhe se 85 % e tyre ju përgjigjën aksionit politik të opozitës.
“Ne si LSI nuk kushtëzojmë asnjëherë momentin e zgjedhjeve. Pse e themi nuk kushtëzojmë momentin e zgjedhjeve, sepse ne mendojmë që zgjedhjet janë i vetmi instrument që në një farë mënyre do të cbëjë të gjithë këtë nyje të lidhur keqtas, për shkak të mosfunksionimit të gjykatave, për shkak të mosfunksionimit të sistemit, të demokracisë.
Ne duhet të përplasi, në duhet të luftojmë me bishën, sepse nëse nuk luftojmë me bishën nuk ka kush ta mundë bishën dhe në këtë rast, bisha është kapja e pushtetit nga kryeministri. Pavarësisht ligjëratës politike që ngre kryetari i PD-së dhe kryetari i opozitës që me një qeveri tranzitore dhe pa Ramën kryeministër, për ne si LSI mendojmë që është e domosdoshme përballja në zgjedhje e të gjithë opinionit publik.
Në votimet e 30 qershorit, shqiptarët i dhanë një përgjigje jashtëzakonisht të madhe jo vetëm maxhorancës ku i thanë se e bojkotuan në 85% po i dhanë edhe një përgjegjësi shumë të madhe opozitës, ku i thanë që 85% e tyre iu përgjigjën aksionit politik të opozitës për të mos marrë pjesë në zgjedhjet moniste të Edi Ramës”, u shpreh Kryemadhi.
