Kryeministri i Kanadasë, Justin Trudeau dhe gruaja e tij Sophie Gregoire Trudeau kanë vendosur të ndahen pas 18 vitesh martesë.
Në një deklaratë të shkurtër të bërë nga zyra e kryeministrit kanadez në Instagram, thuhet se pas “shumë bisedash kuptimplota dhe të vështira” dyshja “kanë marrë vendimin për t’u ndarë”.
Çifti tha se do të mbeten “një familje e ngushtë me dashuri dhe respekt të thellë”.
“Si gjithmonë, ne mbetemi një familje e ngushtë me dashuri dhe respekt të thellë për njëri-tjetrin dhe për gjithçka që kemi ndërtuar dhe do të vazhdojmë të ndërtojmë”, tha Trudeau në postimin e tij, të cilin e ndau edhe llogaria e Sophie.
Ata u martuan në Montreal në vitin 2005 dhe kanë tre fëmijë së bashku. Në një deklaratë, zyra e kryeministrit Trudeau tha se ndërsa çifti ka nënshkruar marrëveshjen e ndarjes, ata do të vazhdojnë të dalin publikisht.
