Ekspertët evropianë kanë kërkuar kujdes për llojin e ri të Covid-19 të zbuluar në Mbretërinë e Bashkuar, duke thënë se është ende i paqartë mutacionin e ri N501Y dhe sa shpejt ai përhapet.
Pasi Europa pezulloi lidhjet e udhëtimit nga Britania ose imponuan kërkesa më të rrepta për karantinë të dielën në mbrëmje, shkencëtarët thanë se duheshin më shumë të dhëna para se të nxirreshin përfundime të prera.
Christian Drosten, kryevirologu gjerman, tha se ai priste që lloji i ri tashmë të ishte në qarkullim në Gjermani, por shtoi se ai ishte “gjithçka përveç se i shqetësuar” për mutacionin viral.
“Të dhënat shkencore rreth N501Y janë ende të paqarta“, tha Drosten të hënën. Pretendimi se është 70% më e transmetueshëm do të verifikohet nga shkencëtarët britanikë gjatë kësaj jave.
Drosten tha: “Pyetja është: a po rritet ky virus nga një valë e re që vjen në rajonin në fjalë (Anglia jug-lindore), apo a është ky virus përgjegjës për krijimin e kësaj vale? Ky është një ndryshim i rëndësishëm.”
Drosten tha se lloji ishte zbuluar edhe në vende të tjera si Holanda, ku nuk dukej se ishte shumëzuar në një mënyrë dukshëm më të shpejtë. “Unë jam i hapur për njohuri të reja shkencore, dhe në shkencë ka gjithmonë surpriza, por unë jam gjithçka, përveçse i shqetësuar për momentin”, tha ai.
