Me unanimitet të plotë, Kuvendi i Shqipërisë ka miratuar ratifikimin e protokollit për anëtarësimin e Finlandës dhe Suedisë në aleancën më të madhe ushtarake të NATO.
114 deputetë të pranishëm në sallë votuan për miratimin e protokollit, që i hap rrugën anëtarësimit të këtyre dy vendeve në NATO.
Ratifikimi i protokollit për anëtarësimin e Finlandës dhe Suedisë u fut ditën e sotme në rendin e ditës me propozim të mazhorancës.
Më herët, Kuvendi miratoi dhe rezolutën që dënon gjenocidin serb në Srebrenicë, por mazhoranca rrëzoi 4 amendamentet e propozuara nga opozita.
