Demi Lovato tregoi se nisi të kuptonte më shumë mbi seksualitetin e saj të paqëndrueshëm, falë një skene klasike tek filmi “Cruel Intentions” të vitit 1999.
“Ndodhi kur isha shumë e re dhe po shihja Cruel Intentions, që përfundimisht, s’duhej të isha duke e parë në atë moshë dhe ishte ajo skena ku ato puthen në lëndinën e parkut”, rrëfeu ylli i popit, gjatë eventit “Coming Out 2020” të Facebook. Momenti i filmit të cilit, Dem i referohet është puthja ikonike e Sarah Michelle Gellar dhe Selma Blair.
“Mendova, prit pak, mua po më pëlqen shumë kjo. Dua ta provoj. Dhe kur isha 17 vjeç, sigurisht, e provova”, shtoi ajo. Lovato vazhdoi të shpjegojë sesi seksualiteti ka ndikuar këngët e saj, dhe la të kuptohet se fansat nuk e kanë kuptuar se disa këngë dashurie, në të vërtetë iu janë dedikuar grave.
“Kishte raste që shkruaja këngë për vajzat dhe fansat e mi mendonin se i shkruaja për djemtë. Jam e befasuar si disa prej tyre nuk e kuptonin se disa nga këngët e mia ishin për njerëz të caktuar. Unë po i ndaja eksperiencat e mia me botën, megjithatë nuk isha plotësisht e qartë me ato që thoja. Sidoqoftë, muzika ka qenë e vetmja hapësirë e sigurt për mua. Të gjitha këngët e mia janë të bazuara në përvojat personale. Nuk mendoj se është e gabuar të eksperimentosh”, shtoi ajo.
