Lazio e Strakoshës shkatërron Dortmundin. Barcelona luan tenis, United fiton në Paris
Lazio ka mundur bindshëm Borussia Dortmund në ndeshjen e parë të grupit, në rikthimin e ekipit italian në Champions League pas 13 vitesh.
Skuadra ku luan portieri i kombëtares sonë, Thomas Strakosha, fitoi 3-1 ndaj ekipit gjerman, me golat që u shënuan nga Immobile, Luiz Felipe dhe Akpa-Akpro ishin autorët e golave për ekipin italian. Në minutën e 67 debutoi në Evropë me Lazion edhe Vedat Muriqi.
I zakonshmi Haaland shënoi golin e vetëm për Dortmund.
Ndërkohë, Barcelona ka mposhtur 5-1 Ferencvaroshin e Myrto Uzunit, i cili mungoi në këtë ndeshje për shkak të koronavirusit. Messi me penallti, Ansu Fati, Coutinho, Pedri dhe Dembele shënuan golat për katalanasit.
Zhgënjen në ndeshjen e parë në grup edhe finalisti i edicionit të kaluar, Paris Saint Germain, që u mposht 1-2 në shtëpi nga Manchester United, në njē ndeshje ku “princat” si Neymar e Mbappe nuk arritën të lënë gjurmë.
Në sfidat e tjera Chelsea nuk shkoi përtej një barazimi pa gola nē transfertën andaluziane ndaj Sevillas, Leipzig mposhti 2-0 turqit e Basaksehir dhe Rennes e Krasnodar ndanë nga një pikë falë barazimit 1-1.
Rezultatet e ndeshjeve të para në grupe:
Dinamo Kiev-Juventus 0-2
Zenit-Club Brugge 1-2
Barcelona-Ferencvarosh 5-1
Chelsea-Sevilla 0-0
Lazio-Dortmund 3-1
PSG-Manchester United 1-2
Leipzig-Basaksehir 2-0
Rennes-Krasnodar 1-1.
