“Do të të shtypin në gjysmë të rrugës si plesht”. Këto janë fjalët që presidenti bjellorus Lukashenko I tha të shtunën e kaluar gjatë negociatave me themeluesin e Wagner, Yevgeny Prigozhin, për ta bindur atë të ndalonte avancimin e tij drejt Moskës.
Vetë Lukashenko e zbuloi këtë gjatë një ceremonie ushtarake, sipas agjencisë zyrtare të lajmeve Belta.
“Unë i thashë: ‘Yevegny, askush nuk do t’ju dorëzojë as Shoigun, as Gerasimovin. Veçanërisht në këtë situatë. Ju e njihni Putinin po aq mirë sa unë”, tha udhëheqësi bjellorus, duke iu referuar kërkesës së shefit të Wagner për të shkarkuar ministrin rus të Mbrojtjes dhe shefin e shtabit.
Duke folur ende për këtë gjë, Lukashenko i tha Prigozhin: “Së dyti, ai (Putini) nuk do t’ju takojë. Ai as nuk do të flasë me ju në telefon për shkak të kësaj situate”.
Sipas liderit bjellorus, themeluesi i Wagner heshti për pak dhe më pas shtoi: “Por ne duam drejtësi! Ata duan të na mbytin! Ne do të përparojmë në Moskë!”.
Në atë moment, kreu i shtetit bjellorus, i pranishëm në bisedë, e paralajmëroi Prigozhin: “Do të shtypeni në gjysmë të rrugës si një plesht. Edhe pse njësitë e ushtrisë janë të angazhuara në frontin përkatës, i thashë të mendojë për këtë”. “Jo, – u përgjigj. – Ai ishte euforik”, shtoi bjellorusi.
Më pas Lukashenko, zbuloi: “I thashë Putinit: ai mund të vritet, nuk është problem. Ose në tentativën e parë ose në të dytën. Por unë e këshillova që të mos e vriste Prigozhinin”, tha presidenti bjellorus.
Ndërkohë, kreu i komitetit të inteligjencës së Senatit amerikan, Mark Warner, tha për NBC, duke theksuar se kishte marrë informacione se kreu i Wagner ishte në të vërtetë në kryeqytetin Bjellorusi.
“Unë imagjinoj – edhe pse është vetëm një thashethem – se Prigozhin është në një nga hotelet e pakta në Minsk që nuk ka dritare, ndoshta për ta mbrojtur atë nga tentativat për vrasje”.
