Ylli i serialit “The Crown”, Dominic West dhe Princi Harry nuk flasin më. Ishte aktori ai që i tregoi arsyet se përse.
“Ne e humbëm kontaktin sepse thashë shumë në një konferencë shtypi dhe kështu… nuk folëm më pas kësaj”, shpjegoi aktori i “Crown” gjatë episodit të 24 dhjetorit të “Sunday Morning” në Times Radio.
West, i cili luan Mbretin Charles III në serialin e Netflix, u shty më tej nga prezantuesja Kate McCann për të zbuluar më shumë për miqësinë e tij tashmë të prishur me Dukën e Sussex.
Ai shpjegoi se mosmarrëveshja e tyre ndodhi një vit pasi ata u kthyen nga aktiviteti bamirës “Walking With the Wounded në 2013”, një udhëtim me veteranë të plagosur në Antarktidë.
Ndërsa aktori nuk dha detaje, duket se është aluduar në komentet e tij në konferencën për shtyp të vitit 2014.
“Harry ishte një pjesë shumë e nevojshme e ekipit. Ai dukej se ishte i specializuar në ndërtimin e tualeteve. Ai ndërtoi shtëpi të pabesueshme”, tha ai gjatë konferencës.
Pra, mesa duket ka dhënë detaje të tepërta.
West – i cili ka qenë në “The Crown” që nga sezoni 5 – shpjegoi më tej se miqësia e tyre përfundoi “10 vjet më parë” dhe ai nuk kishte mundësi të kërkonte këshilla nga Harry se si të luante Charles.
