Videoja e presidentit francez Emmanuel Macron që hoqi para kamerave një orë luksoze gjatë një interviste në të cilën po diskutohej reforma e tij e pensioneve po bën xhiron e medieve franceze dhe gjysmës së botës dhe veprimi është në qendër të kritikave.
Franca është përfshirë këtë javë nga protestat pas vendimit të Macron-it për të rritur moshën e daljes në pension nga 62 në 64.
Përfaqësuesit e presidentit francez kanë deklaruar se ai e hoqi orën pasi po bënte zhurmë kur përplasej me tryezën. Megjithatë, për kritikët, ora tregon që ai është larg “halleve” të qytetarëve.
MACRON – Oops the moment Macron realises he’s wearing a very expensive watch whilst telling French people they must sacrifice more!
First you see it …. And then with a quick fiddle under the table… now you don’t!
We see you Macron 🤡 pic.twitter.com/Wk6ntiHTzr
— Bernie's Tweets (@BernieSpofforth) March 24, 2023
Incidenti ndodhi gjatë një intervistës të transmetuar në “prime time” të mërkurën ndërkohë që Macron po argumentonte arsyet e tij për rritjen e moshës së daljes në pension.
Ndërsa fliste, presidenti uli duart poshtë tavolinës dhe nis të zbërthejë orën. Teksa vijonte të fliste, Macron e hoqi orën dhe e largoi nga vetja. Kur i ngriti sërish duart nga tavolina, ora nuk ishte më poshtë mëngës këmishës.
Ekipi i tij këmbënguli që heqja e orës ishte tërësisht e pafajshme. Por ky moment u shfrytëzua nga kritikët e presidentit.
Clémence Guetté, deputete e partisë së majtë La France Insoumise, shkroi në një postim në Tëitter: Ndërsa presidenti po pretendonte se përfituesit e pagës minimale kanë fuqi blerëse të paprecedentë, pamja e fundit e tij ishte duke hequr orën e tij të bukur luksoze.”
Kostoja e saktë e orës është e diskutueshme. Disa sugjerojnë se mund të ketë një vlerë prej 80,000 €, por biznese të tjera thonë se kostoja e vërtetë është 2,400 €.
