Partizani ka fituar një tjetër derbi ndaj Tiranës. Të kuqtë e drejtuar nga Orges Shehi morën 3 pikët falë dy golave të Maguette, me golin e fitores që u shënua në kohën shtesë.
Senegalezi kaloi në avantazh Partizanin në minutën e 15, pasi goditja e tij nga jashtë zone u devijua nga Hoxhallari, aq sa u desh që të mposhte portierin bardheblu Kozi.
Tirana u përgjigj në minutën e 42-të me Abazajn, i cili përfitoi nga një grushtim jo i mirë i topit nga Qirko, pas goditjes së Jonuzit, për të shënuar me kokë.
Pjesa e dytë ishte shumë e luftuar, me shumë kartonë të verdhë dhe nga një të kuq për secilin ekip (Jonuzi dhe Hadroj), por goli erdhi vetëm në fundin e ndeshjes, me Maguette i cili sërish nga jashtë zone ndëshkon Tiranën. Gol që bëri që të shpërthejë festa te të kuqtë, edhe në tribuna.
Me këtë fitore, Partizani thuajse e siguron pjesëmarrjen në “Final Four”, pasi renditet në vendin e tretë me 54 pikë, 7 më shumë se Dinamo dhe Skënderbeu që ndodhen në vendin e katërt dhe të pestë, me 47 pikë.
Ndërkohë, Tirana renditet e gjashta, me 46 pikë.
Partizani triumfoi në derbi ndaj Tiranës me rezultatin 2-1, në ndeshjen e vlefshme për javën e 33-të në Superiore.
Heroi i të kuqve në këtë përballje, ishte Maguette Gueye. Mesfushori realizoi dopietë golash, duke i dhënë fitoren Partizanit.
Senegalezi zhbllokoi sfidën në minutën e 15-të,m ndërsa Abazaj barazoi shifrat në minutën e 42-të.
Më fund, Maguette bëri që të shpërthejë festa te të kuqtë, duke shënuar golin e fitores në minutën e 94-t.
Me këtë fitore, Partizani mban vendin e tretë me 54 pikë, ndërsa Tirana mbetet në vendin e gjashtë me 46 pikë.
