Një aksident i rëndë ka ndodhur pasditen e kësaj të Shtune në Laç. Mësohet se makina që drejtohej nga shtetasi E.Ç ka dalë nga rruga, duke përfunduar pranë një banese.
Për pasojë, shoferi dhe pasagjerja (shtetase angleze) D.S janë dërguar në spital.
Fatmirësisht ata janë jashtë rrezikut për jetën.
“Në rrugën e “Kishës Laçit”, shtetasi E. Ç., duke drejtuar automjetin tip “Porsche”, ka humbur kontrollin mbi drejtimin e automjetit dhe automjeti ka dalë nga rruga. Për pasojë janë dëmtuar drejtuesi i automjetit dhe pasagjerja shtetasja angleze D. S, aktualisht ndodhen jashtë rrezikut për jetën. Grupi hetimor po punon për sqarimin e rrethanave dhe shkakut të aksidentit”, bën me dije policia.
