Një aksident rrugor ku është përfshirë edhe një minibus me pasagjerë ka ndodhur mbrëmjen e kësaj të diele në Elbasan. Mësohet se një makinë tip Volkswagen kabriole është përplasur me minibusin në aksin rrugor Elbasan-Bradashesh.
Për pasojë janë plagosur gjithsej shtatë persona të cilët janë transportuar menjëherë për në spital. Pesë prej tyre ishin pasagjerë të autobusit, ndërsa dy të tjerët janë shoferja e makinës Volkswagen dhe pasagjeri.
Aksidenti ka shkaktuar radhë të gjata makinash në të dy krahët e saj, por policia thotë se ka bërë të mundur zhbllokimin e saj.
Tashmë i mbetet autoriteteve që të përcaktojnë shkakun e këtij aksidenti.
