Të gjithë jemi të njohur me këngën klasike të Krishtlindjeve të Mariah Carey-t “All I Want for Christmas is You”.
Kënga pop e lançuar në vitin 1994 vazhdon të jetë një hit i madh dhe në fakt në Britaninë e Madhe ishte kënga numër një e Krishtlindjeve e vitit 2020. Falë suksesit të asaj kënge, Carey u pagëzua si “Mbretëresha e Krishtlindjeve”.
Në një intervistë për një emision radiofonik në Britani “Zoe Ball Breakfast Show”, superylli foli për atë që mendon për titullin e saj dhe kujt mendon se duhet t’i atribuohet.
“Unë thjesht dua të them me përulësi se nuk mendoj kështu”, tha ajo sipas Daily Mail. “Unë jam një person që i dua Krishtlindjet dhe ka qenë një bekim të shkruaj ‘All I Want for Christmas is You’, dhe shumë këngë të tjera për Krishtlindje. Le të jemi realistë, besimi i të gjithëve është ai që është. Për mua, Maria është mbretëresha e Krishtlindjeve”.
Në intervistë, këngëtarja foli për projektet e saj më të fundit, duke përfshirë këngën e re të Krishtlindjeve “Fall in Love at Christmas”, të cilën ajo filloi ta shkruante verën e kaluar.
Carey vazhdoi të befasojë fansat e saj duke treguar se kishte shumë pak nga magjepsja e saj e zakonshme gjatë xhirimeve dhe ajo ishte “me pizhame shumicën e kohës”.
Ylli 52-vjeçar ka dashur të tregojë një anë më realiste të vetes dhe të tregojë se nuk është gjithmonë diva që duket.
Është hapja e sinqertë e Carey dhe e bën këtë projekt të Krishtlindjeve edhe më kuptimplotë, veçanërisht pasi në video shfaqen edhe binjakët e saj 7-vjeçarë, Moroccan dhe Monroe.
Do të ishte interesante për fansat e saj të shihnin se çfarë do të prodhojë më pas, por tashmë është vërtet e mrekullueshme të dëgjosh një person, emri i të cilit është një ikonë e muzikës moderne të Krishtlindjes, t’u kujtojë të gjithëve kuptimin e festës dhe të vendosë Virgjëreshën Mari të parën – ku ajo duhet të qëndrojë!
