Mark Rutte do të jetë sekretari i ardhshëm i përgjithshëm i NATO-s pasi të 32 anëtarët e aleancës ranë dakord që kryeministri holandez në largim do të pasojë Jens Stoltenberg.
Pas miratimeve nga Hungaria dhe Sllovakia, Rumania konfirmoi mbështetjen e saj për Rutte, me presidentin rumun Klaus Iohannis që tërhoqi kandidaturën e tij për postin kryesor të NATO-s. Gjatë një takimi të Këshillit të Lartë të Mbrojtjes Kombëtare, Iohannis tha se kishte njoftuar aleatët e NATO-s për tërheqjen e kandidaturës së tij.
Rutte do të marrë drejtimin e NATO-s në një moment kritik.
Puna e tij e re do të fillojë më 2 Tetor, pak më shumë se një muaj përpara zgjedhjeve në SHBA, të cilat do të formësojnë fatin e aleancës ushtarake. Megjithatë, vëzhguesit vlerësojnë Rutte si një politikan më aftësi për të bërë marrëveshje me liderë të tjerë me prejardhje të ndryshme, madje duke fituar lavdërimin e presidentit të atëhershëm të SHBA, Donald Trump.
Konfirmimi i Rutte vjen përpara korrikut, kur udhëheqësit e NATO-s të shkojnë në Uashington për të shënuar 75-vjetorin e aleancës. Kërkimi i Rutte për postin kryesor të NATO-s ka qenë një udhëtim i gjatë. Ai ka bërë fushatë për këtë detyrë që nga nëntori i kaluar.
Rutte gjithashtu dështoi vazhdimisht për të afruar shpenzimet në fushën e mbrojtjes së Holandës në objektivin e NATO-s prej 2 për qind të PBB-së gjatë mandatit të tij 14-vjeçar të kryeministrit të ekonomisë së pestë më të madhe të BE-së. Holanda më në fund pritet të përmbushë këtë objektiv këtë vit, sipas shifrave të fundit të NATO-s.
