Mashtrimi për të nxjerrë pasaportë bullgare dhe për ta bërë një 26-vjeçar aksioner në një kompani, ka vënë në pranga 38-vjeçarin nga Tirana me iniciale L.Xh.
Ai u arrestua gjatë aksionit të koduar “Transporter”.
38-vjeçari akuzohet se i mori 215 mijë euro një 26-vjeçari me pretekstin se do t’i siguronte atij nxjerrjen e pasaportës bullgare, si dhe do ta bënte aksioner në një kompani private në Turqi.
Gjatë aksionit, policia sekuestroi një pjesë të parave prej 108,600 Euro.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
