Emrat nuk janë thjesht disa shkronja dhe tinguj të përdorur për të na identifikuar. Në fakt, ka një marrëveshje që vjen i bashkangjitur me një emër. Jo vetëm që gdhend personalitetin, por gjithashtu gdhend perceptimet e njerëzve të tjerë dhe në fund, të ardhmen tuaj!
Para se t’a mendoni këtë si asgjë më shumë se absurditet mitik, ju duhet të dini se edhe kërkimi shkencor e mbështet këtë ide kurioze. Emrat në fakt shihen të kenë një ndikim të rëndësishëm se sa të suksesshëm do bëhen jetët tona.
Këtu janë 10 gjetjet e pabesueshme nga studime të ndryshme në mbarë botën.
1- Emrat e zakonshëm kanë më shumë gjasa për t’u punësuar sesa ato unike
Një studim i kryer nga Universiteti Marquette gjeti se në qoftë se emri juaj është i zakonshëm, mund të rrisë shanset tuaja për t’u punësuar, ndërsa ato me emra të veçantë shpesh janë më pak të mundshëm të jenë të zgjedhur nga intervistuesit.
2- Emrat e thjeshtë për t’u shqiptuar janë më të prirur drejt pozicioneve me status të lartë
Një studim i kryer nga Universiteti i Nju Jorkut ka zbuluar se emrat që shqiptohen lehtë kanë më shumë gjasa për të marrë një favor nga të tjerët. Shpesh, kjo i bën ata të fitojnë statuse të larta në shoqëri.
Sipas psikologut Adam Alter, në qoftë se informacioni mund të asimilohet më lehtë nga truri, ne me shumë gjasa pëlqejmë diçka ose dikë.
3- Mbiemrat më afër fillimit të alfabetit janë më të prirur për t’u futur në shkolla të mira
Hulumtimi i kryer në Republikën Çeke zbuloi një model të diskutueshëm. Studentët, mbiemri i të cilëve ishte më afër kreut të alfabetit kishin më shumë shanse për të marrë pranimin në një shkollë, ndërsa mbiemrat që ishin nga fundi i alfabetit nuk ishin të pranueshëm!
4- Të kesh iniciale të mesme ju bën të dukeni më të zgjuar dhe më të aftë
Në qoftë se emri juaj përmban një iniciale të mesme të tilla si “Sophie N.Turner,” ju shpesh do të konsideroheni më inteligjentë dhe më të aftë. Ky fakt është zbuluar nga një hulumtim i publikuar në Gazetën Europiane të Psikologjisë Sociale. Kur studentët kryen një provim, ata të cilët kishin iniciale të mesme shënuan pikë më të larta se të tjerët. Në fakt, ata me iniciale shënuan pikët më të larta!
5- Emrat më afër fundit të alfabetit janë më të prirur të jenë blerës impulsivë
Pothuajse e pabesueshme, një studim i veçantë ka gjetur se njerëzit me emra si “Zelda” ose “Yasmin” kanë më shumë gjasa të jenë të varur në pazar! Ata janë parë të binden më lehtë nga ofertat promovuese dhe strategjitë e marketingut që çojnë në rritjen e zakoneve të pazarit.
Është besuar se kur kalon shumicën e viteve të tua shkollore në fund të regjistrit, ata janë më të prirur që të hidhen më shpejt në “ofertat e mira” sapo kanë shansin. Megjithatë, këto tendenca tepër të zellshme të shpenzimeve me siguri mund të jenë të dëmshme për suksesin.
6- Mbiemrat që tingëllojnë si mbretërorë apo fisnikë mund t’ju ndihmojnë të arrini pozita me status të lartë
Një studim europian rezultoi në faktin që emrat fisnikë natyrshëm gjejnë rrugën e tyre në pozita të larta drejtuese. Ky hulumtim, me bazë në Gjermani, zbuloi që mbiemra të tilla si “Kaiser” (Perandor) dhe “Konig” (mbret) kishin më shumë gjasa për të zënë radhë më të larta se të tjerët.
Kjo dukuri mund të jetë e lidhur me arsyetimin shoqërues; mendjet tona lidhin njohuritë dhe emocionet e mëparshme për fjalë të ngjashme.
7- Femrat me emra neutrale gjinore mund të shkojnë më tej në karriera të caktuara
Është një fakt i jetës që shumë fusha të karrierës janë shumë të dominuara nga ana gjinore. Inxhinieria dhe Drejtësia janë disa nga shembujt më të mëdhenj të fushave të dominuara nga meshkujt. Megjithatë, një studim ka gjetur se të kesh një emër neutral gjinor mund t’ju japë një avantazh.
Në mënyrë të veçantë, është parë se femrat me emra më shumë mashkullore të tilla si “Leigh” dhe “Harper” ishin shpesh në gjendje për të shkuar më tej në karrierën e tyre ligjore.
8- Ne ndihemi të tërhequr të punojmë me kompanitë që ndajnë inicialet tona me emrin e tyre
Një studim nga Universiteti Ghent gjeti se ne me shumë gjasa jemi më të prirur për të punuar në kompanitë me emra që ndajnë vetë inicialet tona. Për shembull, Lily Harper mund të jetë shumë i prirur për të punuar për LifeHack!
Kjo sjellje mund të jetë e lidhur me faktin se ne tërhiqemi nga familjariteti, sidomos nëse është i ngjashëm me emrin tonë.
9- Meshkujt që përdorin emra të shkurtër janë më të zakonshëm në pozitat CEO
Gjatë një studimi të kryer nga media sociale LinkedIn, janë analizuar më shumë se 100 milionë profile përdoruesish. U gjet që shumica e meshkujve në pozicione CEO ishin me emra të shkurtër të tillë si “Bob” ose “Tim”. Është besuar se përdorimi i pseudonimeve të tyre u lejon atyre të projektojnë një mirëdashësi të arritshme.
10- Femrat me emra të plotë kanë më shumë gjasa të gjenden në krye
Në të njëjtin studim, LinkedIn gjithashtu zbuloi se e kundërta ishte e vërtetë për CEO-t femra. Duke përdorur emrin e tyre të plotë, të tilla si Carolyn ose Debora, i ndihmon ato për të zhvilluar një imazh më profesional dhe i ndihmon të arrijnë pozita të larta.
