Meksika është në prag të një ndryshimi historik pasi parashikimet tregojnë se gruaja e parë do të zgjidhet në postin e presidentit në zgjedhjet e ditës së sotme, më të mëdhatë në historinë e vendit.
Sondazhi tregoi se kandidatja e qeverisë Claudia Sheinbaum nga partia e krahut të majtë në pushtet “Morena” ka të ngjarë të fitojë më shumë vota se kandidatja e opozitës Xóchitl Gálvez. Një kandidat i tretë presidencial shihet se nuk ka asnjë shans.
Sheinbaum, një shkencëtare klimatike dhe ish-kryetarja e bashkisë së qytetit të Meksikos, konsiderohet një aleate e vjetër e presidentit populist të krahut të majtë në detyrë, Andrés Manuel López Obrador, i cili nuk lejohet të kandidojë përsëri pas gjashtë vjetësh në detyrë.
Gálvez, një biznesmene, inxhiniere dhe ish-senatore, mbështetet nga aleanca e gjerë e opozitës qendrore “Forca dhe Zemra për Meksikën”, e formuar nga Partia e Veprimit Kombëtar (PAN), Partia Revolucionare Institucionale (PRI) dhe Partia e Revolucionit Demokratik ( PRD).
Krahas zgjedhjes së presidentit, meksikanët do të votojnë për të gjitha vendet në Dhomën e Deputetëve, Senatin dhe postet rajonale dhe komunale.
Dita e diel do të jetë një ditë zgjedhjesh me përmasa historike.
Në total, më shumë se 20,000 zyra janë në dispozicion në vendin më të populluar spanjollfolës, duke përfshirë qeveritë në tetë nga 31 shtetet federale dhe në rrethin e kryeqytetit.
Pothuajse 100 milionë qytetarë kanë të drejtë vote.
