Leo Messi ka festuar ditën e sotme ditëlindjen e tij të 34 dhe nuk kanë munguar surprizat “speciale” për të.
Shokët e ekipit tek Argjentina hynë në dhomën e tij në mes të natës për t’i uruar “pleshtit” ditëlindjen dhe nuk munguan dhe dhuratat.
Duke qenë se Argjentina është grumbulluar në Brazil për Kupën e Amerikës Latine dhe masat antiCovid në këtë vend janë ende në fuqi dhe mjaft të ashpra, ata nuk kishin mundësi të blinin dhurata për shokun e tyre special.
Megjithatë, në mënyrën e tyre u përpoqën me sendet që kishin. Në videon e publikuar në Twitter shihen dhuratat për Messin duke filluar nga antidjersa apo pijet e minibarit.
Momente që shkaktuan shumë të qeshura tek argjentinasit.
Leo #Messi’s birthday surprise from his Argentina teammates. 🥰🇦🇷 pic.twitter.com/stQHYDIh92
— Leo Messi 🐐 (@LeoCuccittini_) June 24, 2021
