Leo Messi dëshiron të larohet nga Barcelona. Këtë gjë argjentinasi ia ka komunikuar drejtuesve katalanas.
Sipas mediave spanjolle, Messi kërkon që të vihet në zbatim klauzola në kontratën e tij që e lejon atë të largohet nga klubi një vit para se ti përfundojë kontrata. Klauzola e largimit të Mesit është 700 milionë euro, por sulmuesi mund të largohet falas. Kjo pasi në kontratën e argjentinasit ka një klauzolë që e lejon atë të largohet nga Barcelona një vit para se ti përfundojë kontrata. Kështu klubet e tjera të interesuara për Messin nuk do duhet të paguajnë 700 milionë euro për sulmuesin.
Por nga klubi i Barcelonës, shkruajnë mediat spanjolle, klauzola skadonte më 31 maj, por Leo është i bindur se pandemia e ka zgjatur deri më 31 gusht.
Fjalët për një largim të Leo Messit nga Barcelona sa vijnë e shtohen. Ka qenë një legjendë e ekipit katalanas si Carles Puyol që me një postim në rrjetet sociale ka konfirmuar largimin e argjentinasit nga skuadra.
Puyol në postimin e tij shkruan: “Respekt dhe admirim për ty Leo. Ke gjithë mbështetjen time shok”. Në këtë mënyrë ndoshta jemi bërë dëshmitarë të një prej largimeve më të bujshme në futboll.
