Thorsten Kuntz, 51 vjeç, është drejtori menaxhues i Rheinmetall, grupi më i madh gjerman i prodhimit të armëve, i cili furnizon me tanke Ukrainën. Zhdukja e tij për katër ditë me radhë ka ngritur disa pikëpyetje në Gjermani.
Rasti i tij i ngjan një filmi thriller. Ai është zhdukur në mënyrë misterioze, për t’u rishfaqur pas katër ditësh, plotësisht i dehur dhe në një gjendje të qartë konfuzioni.
Mund të konsiderohet rast i zakonshëm alkoolizmi, por për dikë tjetër.
Kuntz drejton kompaninë kompani që javët e fundit i ka ofruar qeverisë gjermane 88 tanke Leopard 1 dhe 100 mjete të blinduara Marder për t’i dorëzuar ato në ushtrinë ukrainase.
Ishte gazeta “Bild Zeitung” ajo që e zbuloi zhdukjen e tij, e cila daton më 13 maj, kur policia e Kassel, njoftoi se po kërkonte një burrë, 50 vjeç, i cili nuk ishte paraqitur në punë dhe kishte munguar në të gjitha takimet private të planifikuara atë ditë dhe nuk përgjigjej më në telefon.
Njoftimi u shoqërua me një foto, të marrë nga një videokamera, ku shfaqej Thorsten K. duke tërhequr dorë nga një bankomat.
Vetëm të dielën e kaluar, një makinë policie ka rënë në gjurmët e të zhdukurit pranë panairit të Kaselit, brenda një makine, në gjendje të dehur.
Kutz kishte nevojë për kujdes mjekësor dhe u dërgua në një spital.
Arsyet e zhdukjes së tij të përkohshme mbeten të panjohura.
Por roli i Kutz-it, i cili ka udhëhequr gjigantin gjerman të armatimeve që nga janari 2022, ushqen hipoteza nga më të ndryshmet: a ishte rrëmbyer për një paralajmërim apo ishte një çështje thjesht private?
As Prokuroria Federale që hetonte incidentin, as BKA, Zyra Federale e Policisë Kriminale dhe as Rheinmetall nuk kanë dhënë detaje në lidhje me ngjarjen.
Kutz është klasifikuar si “mbajtës i sekreteve” nga inteligjenca federale, por është e paqartë nëse ai ka mbrojtje shtetërore në këtë cilësi.
Vetëm dje, qeveria e Berlinit tha se është gati të zëvendësojë Rheinmetall Leopard 1s dhe 15 Leopard 2, të cilat do të dorëzohen në Ukrainë pasi të kalojnë nëpër Republikën Çeke.
