Mjeku i njohur, Ilir Alimehmeti ka ngritur alarmin se ndotja e ajrit dhe ujit në Tiranë po sjell sëmundje të shumta për banorët.
Duke folur gjatë një takimi ku i pranishëm ishte edhe kreu i PD, Sali Berisha, mjeku tha se situata e krijuar vjen nga keqmenaxhimi i kryeqytetit.
“Tiranë është renditur e 245 në renditjen e qyteteve në botë, sa i përket indikatorëve të shëndetit. Kemi 10 mijë e 500 banorë për kilometër katror. Te njësia 10 është mbi 20 mijë, nisur nga 9 dhe 5. Sa për krahasim, në Delhi, Indi, ka tek 10 mijëshi, pak a shumë sa Tirana. Londra ka 3 mijë.
Çfarë vjen nga mbipopullimi. Sëmundjet infektive i pamë vetë. Vjen ndotja e ajrit, ndotja e ujit, mbetjet urbane dhe konsumi i energjisë. Te ndotja e ajrit jemi në vendin e 243, nga 245. Nga ajri vijnë tumoret, problemet e zemrës, të trurit etj. Kjo nis nga qyteti, nga menaxhimi i qytetit.
E dyta, uji. Thuhet se uji është i pijshëm, kështu na vjen në faturë. Por kemi një vendim gjykate që thotë se është i pijshëm. Shumica e blejmë, kush ka mundësi. Uji sjell edhe sëmundje me të.
Mbetjet urbane. Po të bëjmë një xhiro, do të shohim kazane o pa kapak, ose të tejmbushur. Këto janë vatra infektimi”, u shpreh mjeku Alimehmeti.
