Një 73-vjeçar gjeti vdekjen këtë të martë në një aksident të ndodhur pranë fshatit Zvirinë në Maliq. Viktima po udhëtonte me motor kur u përplas me një automjet, e për pasojë gjeti vdekjen.
“Më datë 05.09.2023, rreth orës 18:00, në aksin rrugor “Korçë-Pogradec”, pranë fshatit Zvirinë, Maliq, automjeti tip “Mitsubishi”, me drejtues shtetasin V. Xh., 51 vjeç, ka përplasur një motomjet tip “Nissan”, me drejtues shtetasin P. V., 73 vjeç, banues në fshatin Zvirinë, i cili për pasojë ka ndërruar jetë. Me drejtuesin e automjetit V. Xh., po kryhen veprimet e mëtejshme procedurale. Grupi hetimor po punon për zbardhjen e shkaqeve të aksidentit”, tha policia në një njoftim për mediat.
