Jose Mourinho ka zbuluar atë që i tha Pep Guardiolës gjatë ndeshjes së dytë gjysmëfinale të Ligës së Kampionëve, në sezonin 2009-2010. Trajneri i atëhershëm i Interit i kishte thënë homologut katalanas që të mos festonte, pasi Thiago Motta foli me karton të kuq, sepse loja nuk ka mbaruar. Interi e kishte mposhtur bindshëm Barcelonën gjatë ndeshjes së parë, 3-1, falë golave të Sneijder, Maicon dhe Diego Milito. Pra, në “Camp Nou” shkonte me një avantazh favorizues tetë ditë më vonë. Një karton i kuq i minutës së 28-të për Motta shtoi një pengesë të madhe për zikaltrit.
Megjithatë, Mourinho pretendon se në stolin e Barçës kishin festuar sikur të kishte përfunduar takimi me përmbysje. Ai dhe të tijtë, gjithsesi kishin plane të tjera. “Kur Busquets ra në tokë, isha duke qëndruar në këmbë midis stolit tonë dhe zonës ku Thiago Motta u dëbua me të kuq, – tha Mourinho për “Gazzetta dello Sport”. – Me cepin e syrit tim mund të shihja stolin e Barcelonës duke festuar, sikur të kishin fituar tashmë. Guardiola thirri Ibrahimovic dhe po i fliste për taktikat, si të luanin luajtur 11 kundër 10. Kështu që unë ndërhyra dhe i thashë: Mos festoni para kohe, kjo ndeshje nuk ka mbaruar”.
Pavarësisht se Barça fitoi 1-0 atë ditë, Interi do të kalonte në finale përmes një rezultati të përgjithshëm 3-2 dhe mundi finalistët e tjerë të Bayern Munich 2-0, për të ngritur trofeun e shumëlakmuar. Ndërsa taktikat e Mourinho shpesh kritikohen se janë tepër pragmatike dhe jo aq argëtuese për t’u shikuar, portugezi zbuloi se nuk ishte gjithmonë plani i tij për t’u mbrojtur kaq thellë atë natë fatale për katalanasit: “Performanca më ikonike e mbrojtjes sime ishte atë mbrëmje në “Camp Nou”, por ajo skuadër e Barcelonës kishte humbur 3-1 në “San Siro” dhe ne kishim fituar të drejtën të shkonim e të luanim kundër tyre me njëfarë sigurie. Nëse Goran Pandev nuk do të ishte lënduar gjatë nxehjes, ne do të kishim luajtur me Pandev, Sneijder, Eto’o dhe Milito”.
Massimo Moratti ka thënë se ishte ndeshja më dramatike e jetës së tij, por Mourinho zbulon se kishte pak kohë të mendonte për ndonjë gjë tjetër, përveç se të sigurohej që Interi, i cili mposhti Blaugrana-t, të fitonte Champions-in: “Jo, nuk ishte e njëjta gjë për mua. Sepse, në tribunë e në shkallët e stadiumit keni kohë të provoni dramën. Nëse jeni në avantazh mund të luteni, por në fushë e në stol duhet të gjeni zgjidhje. Unë thashë se ajo ishte humbja më e mrekullueshme e karrierës sime. Në fakt, ne nuk humbëm 1-0, por përkundrazi, fituam 3-2 në kushte epike”.
