Kompania e Elon Musk ‘Starlink’ do të ofrojë ndihmën e saj për Ukrainën e prekur nga lufta me Rusinë.
Një nga problemet kryesore gjatë këtyre muajve në Ukrainë kanë qenë sulmet kibernetike ndërsa që prej fillimit të luftës para 6 ditësh, qytetet ukrainase po përballen me interferenca dhe ndërprerje të vazhdueshme të internetit.
Kjo i ka dhënë shtysën miliarderit afrikano-jugor që të investojë në dhjetëra terminale satelitore – të cilët do të mund t’i ofrojnë Ukrainës internet satelitor – një ndihmë e madhe kjo që vjen me një kosto të lartë sigurie.
“Starlink mbërriti. Faleminderit Elon Musk,’ – shkruan ministri ukrainas i Inovacionit Mykhalio Fedorov në një status në Twitter.
Starlink — here. Thanks, @elonmusk pic.twitter.com/dZbaYqWYCf
— Mykhailo Fedorov (@FedorovMykhailo) February 28, 2022
Këto terminale do t’i vijnë në ndihmë Ukrainës duke shërbyer internet të shpejtë por studiuesi kanadez John Scott-Railton shprehet se ato mund ta ekspozojnë Ukrainën ndaj një rreziku të madh pasi këto pika mund të targetohen direkt nga ushtria ruse.
“Më bëhet qejfi për donacionin e Elon Musk, por mos harroni: Nëse Putin kontrollon zonën ajrore mbi Ukrainën, pikat e transmetimit satelitor kthehen në objektive direkte për bombardimet ruse nga ajri,” – shkruan ai në Twitter.
“Rusia ka eksperiencën e dekadave të tëra duke vrarë njerëz të cilët targetohen nëpërmjet komunikimeve të tyre me satelit,” – shtoi ai në një seri të gjatë prej 15 postimesh në Twitter.
14/ Connectivity in #Ukraine is necessary.
Now that Starlink devices are headed into an active conflict zone, though, *possible* risks are about to get battle tested.
I hope that OPSEC is front of mind as decisions are made about terminal distribution, use & placement,
— John Scott-Railton (@jsrailton) February 28, 2022
Rreziku qëndron edhe tek fakti që transmetimet me satelit nga terreni në Ukrainë mund të shënjestrohen nga ushtria ruse , gjë e cila ka ndodhur edhe më parë në Çeçeni dhe Siri, duke pasur pasoja fatale, shton Scott-Railton.
“Përballë një realitet të tillë, ku interneti [ukrainas] po përballet me shkëputje të njëpasnjëshme, interneti satelitor mund të duket si një shpëtimtar. Por ai mund të kthehet shumë shpejt në një kërcënim real i cili e ekspozon vendin ndaj cënueshmërive me pasoja vdekje-prurëse,” – thotë ai.
“Nëse nuk i kuptoni siç duhet këto sisteme, njerëzit mund të vriten pa qenë nevoja derisa ata të mësojnë dhe të adaptohen. Kjo gjë ka ndodhur edhe më parë dhe është përsëritur vazhdimisht,” – thekson ai.
Elon Musk nuk i është përgjigjur ende një kërkese të Reuters për koment.
