Nuk është diçka e pazakontë që kur sheh dikë që ka ndaluar makinën në rrugë për shkak të një defekti, t’i ofrosh ndihmë. Por ky nuk qe fati i një italiani, i cili ndodhej tek Mali i Robit në Kavajës, kur makina e detyroi të ndalonte në rrugë dhe në vend të ndihmës, ai u grabit…
Në një njoftim zyrtar për mediat, autoritetet policore thonë se italiani ka denoncuar që një person ende i paidentifikuar i ka vjedhur atij çantën me sende personale dhe një shumë parash.
E gjithë ngjarja mësohet se ka ndodhur rreth orës 11:30 të kësaj të diele.
Policia thotë se për të identifikuar dhe kapur autorin e kësaj ngjarjeje ka sekuestruar pamjet filmike.
