Zërat nga mazhoranca që paralajmërojnë ndryshime ligjore për të evituar përsëritjen e konflikteve të ngjashme si ky i fundit mes Presidentit dhe mazhorancës, duket se kanë shqetësuar Kreun e Shtetit.
Zëdhënësi i Ilir Metës foli për rrëmbim të kompetencave kushtetuese të Presidentit të Republikës. “Kjo është një ide gjeniale për të përshpejtuar Ramaformën dhe instaluar Drejtësinë e Re të betimeve buzë Lanës”, shkruan me ironi zëdhënësi i Metës, i cili paralajmëron se Kreu i Shtetit nuk do të qëndrojë duarkryq.
“Atë ditë Presidenti do të jetë vetë atje, i pari, me të gjithë popullin shqiptar”, kërcënoi zëdhënësi në emër të Ilir Metës.
