“Faleminderit që qëndruat fort me Izraelin dhe mbështetni të drejtën tonë për t’u mbrojtur nga sulmet terroriste”, shkroi kryeministri izraelit Benjamin Netanyahu në llogarinë e tij zyrtare në Twitter, duke tundur flamujt e vendeve që mbështesin sulmet izraelite në territoret palestineze dhe Rripin e Gazës.
Midis njëzet e pesë flamujve të dukshëm në cicërimën e Netanyahut ishin dhe ato të tre vendeve nga rajoni i Ballkanit Perëndimor. Në vendin e dytë, menjëherë pas flamurit të Shteteve të Bashkuara, është flamuri i Shqipërisë, i pesti me radhë është flamuri i Bosnjë dhe i 21 është flamuri i Maqedonisë Veriore.
🇺🇸🇦🇱🇦🇺🇦🇹🇧🇦🇧🇷🇧🇬🇨🇦🇨🇴🇨🇾🇨🇿🇬🇪🇩🇪🇬🇹🇭🇳🇭🇺🇮🇹🇱🇹🇲🇩🇳🇱🇲🇰🇵🇾🇸🇮🇺🇦🇺🇾
Thank you for resolutely standing with 🇮🇱 and supporting our right to self defense against terrorist attacks.— Benjamin Netanyahu (@netanyahu) May 15, 2021
Ndërkohë, edhe Ministria e Punëve të Jashtme të Kosovës ka reaguar për konfliktin në Lindjen e Mesme mes Izraelit dhe Palestinës.
“Si çdo shtet, Izraeli ka të drejtën dhe obligimin për të mbrojtur popullin e tij kundër 2,000 raketave të qëlluara mbi civilët vetëm nga Hamasi, i cili po mban peng civilët palestinezë në luftën e tij. Ne vajtojmë të gjitha viktimat. Ne kërkojmë që të përmbahemi, të ndalojmë dhunën dhe të kërkojmë zgjidhje paqësore”, ka reaguar në rrjetet sociale Ministria e Punëve të Jashtme të Kosovës.
