Lombardia, rajoni më i prekur nga koronavisuri në Italinë fqinje, do të rihapë dyqanet, restorantet dhe parukeritë të hënën.
Sipas të dhënave zyrtare të publikuara nga qeveria italiane, Lombardi vijon të mbetet rajoni më i prekur, ku aktualisht janë 34,224 persona të prekur.
Lajmi është bërë i ditur nga kreu i këtij rajoni, menjëherë pas një takimi me kryeministrin e Italisë, Giuseppe Conte, ku është rënë dakord që autoritetet lokale të lehtësojnë masat e izolimit.
Ministri për Çështjet Rajonale dhe Autonomitë, Francesco Boccia, pohoi për CNN se autoritetet rajonale do të jenë të lirë të vendosin për rihapjen e zonave. Ai theksoi se para se të ndërmerren hapa, drejtuesit e rajoneve duhet që lehtësimin e masave t’ia komunikojnë më parë qeverisë.
