Sipas Organizatës Botërore të Shëndetësisë, janë të paktën 11 vende në Europë ku rastet e COVID-19 janë në rritje, dhe mes tyre është përfshirë edhe Shqipëria.
“Në këto 11 vende, përhapja ka nisur me nivel të lartë dhe nëse nuk mbahet nën kontroll, rrezikon që të bllokojë sërish sistemet shëndetësore nëpër Europë”, thotë hans Kluge, drejtori rajonal i OBSH-së për Europën.
Por cilat janë këto 11 vende dhe si është situata në secilin prej tyre?
Suedia, (10 milionë banorë) e cila është përmendur shpesh pasi nuk vendosi masa të rrepta, ka pasur më shumë se 100 raste të reja në ditë gjatë muajit qershor. Sipas autoriteteve suedeze, shifra është rritur për shkak të shtimit të numrit të testeve.
Armenia, me 2.9 milionë banorë, ka pasur rritje në maj, dhe në qershor u konfirmua si pozitiv edhe familja e presidentit. Armenia ka 23.247 të infektuar dhe 410 të vdekur.
Moldavia (3.5 milionë banorë) ka nisur të raportojë me qindra raste të reja në ditë, që nga fillimi i qershorit. Vendi me 3.5 milionë banorë ka 500 të vdekur dhe më shumë se 15 mijë raste të reja.
Maqedonia e Veriut (2 milionë) ka raportuar pothuajse nga 200 raste të reja në ditë, ndërkohë që numri i të vdekurve është 265.
Azerbajxhani, me 10 milionë banorë, shënoi më pak se 100 raste në ditë gjatë muajit maj. Por gjatë qershorit kanë pasur gati 500 raste në ditë
Kazakistani, (18.2 milionë), ku virusi nuk ka kursyer as presidentin dhe ministrin e shëndetësisë, ka pasur rritje të rasteve ditore që nga muaji i fundit. Deri më sot janë regjistruar 20 mijë të infektuar dhe 136 të vdekur.
Bosnje Hercegovina (3.3 milionë) ka pasur nga më shumë se 100 raste në ditë, ndërkohë që vendi numëron 2269 të infektuar dhe 50 të vdekur.
Kirgiztani (6.3 milionë) ka pasur më shumë se 200 raste të reja në ditë. Vendi numëron 42 vdekje dhe 4200 të infektuar në total.
Ukraina (42 milionë)është një tjetër vend ku janë rritur rastet. Rreth 10 mijë të infektuar të rinj janë regjistruar vetëm në dy javë e fundit. Numri total i të vdekurve është 101.
Shqipëria pati ulje të rasteve në Maj, por rihapja në qershor bëri që të ketë më shumë se 60 raste në ditë. Në Shqipëri janë 2466 të infektuar dhe 58 të vdekur.
Kosova po ashtu ka pasur më shumë raste. Vetëm në 10 ditë, në Kosovë janë shënuar 844 raste të reja, 87 prej të cilave në 24 orët e fundit. Kosova ka aktualisht 1203 raste aktive, ndërsa numri i viktimave nga Covid-19 është 49.
