Një vdekje e ngadaltë dhe e tmerrshme. Ky është përfundimi i parë që kanë arritur ekspertët në lidhje me 39 personave në kamionin që u gjet në Essex të Britanisë së Madhe.
39 persona kishin destinacion Britaninë e Madhe dhe ishin nisur për atje me një kamion.
Ata hipën në kamionin e drejtuar nga Mo Robinson, 25 vjeç, që tashmë është i arrestuar si i dyshuar për vrasje në masë.
Në përfundim të rrugës ata u gjenden të gjithë të vdekur.
Hetimet nxorrën se ata u përballen me temperatura shumë të ftohta brenda në kamionin frigorifer, i cili transportonte biskota.
Temperatura ishte -25 gradë, ndërsa ekspertët kanë zbuluar se gjatë udhëtimit personat kanë kërkuar ndihmë, por pa rezultat.
Në fund të 15 orëve rrugë ata përfunduan të gjithë të ngrirë duke shkaktuar kështu një ndër tragjeditë më të mëdha në këtij lloji në Britaninë e Madhe.
