Një miliard njerëz mund të infektohen me koronavirusin në të gjithë botën nëse vendeve të prekura nuk iu jepet ndihmë urgjente, ka paralajmëruar një grup bamirësie.
Komiteti Ndërkombëtar i Shpëtimit, njohur shkurtimisht si IRC, tha se ndihmat financiare dhe kërkimore ishin të nevojshme për të ndihmuar në ngadalësimin e përhapjes globale të virusit.
Grupi tha se “vendet e brishta” si Afganistani dhe Siria kishin nevojë për “financim urgjent” për të shmangur një shpërthim të gjerë.
“Mbetet një dritare e vogël kohe për të dhënë një përgjigje të fortë”, – paralajmëroi Komiteti Ndërkombëtar i Shpëtimit.
Ka më shumë se tre milion raste të konfirmuara të COVID-19 në të gjithë botën me më shumë se 200.000 vdekje, sipas Universitetit Johns Hopkins, në SHBA.
Raporti i IRC-së, i cili bazohet në modele dhe të dhëna nga Organizata Botërore e Shëndetësisë, dhe Imperial College London, vlerësohet se mund të ketë midis 500 milionë dhe 1 miliard infeksione në nivel global.
Në njoftimin e grupit të bamirësisë thuhet gjithashtu se mund të ketë më shumë se tre milion vdekje në dhjetëra vende të prekura nga konflikti dhe paqëndrueshmëria.
