Italisë i duhen liderë të lartësisë së duhur dhe jo Di Maio e Salvini. Ka qenë kjo deklarata më e fundit e presidentit francez Emanuel Makron që ka shkaktuar reagime të ashpra nga të dy zëvendës kryeministrat
Nuk ka asnjë shenjë për zbutje të toneve mes Francës dhe Italisë. Presidenti francez Makron i është përgjigjur sulmeve të ditëve të fundit nga ana e zv/kryeministrit Italian Di Maio duke thënë se Italia meriton liderë të tjerë.
I pyetur për çështjen e emigrantëve gjatë vizitës së tij në Egjipt, kreu i Elizesë u shpreh se populli italian është mik i atij francez dhe meriton liderë në lartësinë e historisë që ka
Kryeministri italian Xhuzepe Konte nuk ka komentuar, por zv/kryeministri Di Maio reagoi menjëherë duke thënë se është populli italian ai që vendos për liderët e tij. Duke shkuar dhe më larg, lideri i Lëvizjes Pesë Yje, tha se nëse tema e mbledhjes së ardhshme të Këshillit Europian do të jetë emigrimi, Italia ka gati një dosje ku pyetja kryesore është se pse Franca vazhdon të varfërojë shtete afrikane. Duke bërë që peronat më pas të vendosin të emigrojnë në Itali
Dhe zëvendës kryeministri Salvini, nuk ka qëndruar i heshtur duke thënë se Makron duhet ti dorëzojë Italisë terroristët dhe vrasësit që Franca prej shumë kohësh mban atje, dhe më pas mund të flitet për tema të tjera.
