Pas kritikave ndaj administrimit të pandemisë, mbështetja publike për konservatorët e kancelares gjermane Angela Merkel ka rënë në 32 përqind, më pak se rezultati i tyre në zgjedhjet e fundit parlamentare, sipas një sondazhi të fundit.
Me një rënie prej dy pikë përqindjesh brenda një jave, mbështetja për Unionin Demokristian të Kancelarit (CDU) dhe partinë e aleatit të saj bavarez, Unioni Social Kristian (CSU), ka arritur nivelin më të ulët në një vit, sipas sondazhit nga e përditshmja Bild.
Qeveria ka qenë shënjestër e kritikave për ngadalësinë e fushatës së vaksinimit, dështimet në shpërndarjen e testeve COVID për popullatën dhe lodhjen e publikut nga kufizimet për të luftuar epideminë.
Konservatorët gjermanë arritën pothuajse 40 përqind mbështetje në kulmin e tyre gjatë valës së parë të pandemisë në pranverën e vitit 2020, kur Gjermania dukej si një shembull i mirë në Evropë në luftën kundër COVID-19.
Dobësimi i mbështetjes për konservatorët shkon në interesin e dy lëvizjeve që janë shumë kritike ndaj kufizimeve të vendosura në popullatë për shkak të pandemisë: nacionalistes AfD, e cili ka 10 përqind dhe partisë liberale FDP, e cila ka 9 përqind, sipas sondazhit.
Të dhëna të tilla janë një lajm i keq për kancelaren një javë para zgjedhjeve rajonale në dy shtete federale, Baden-Württemberg dhe Rhineland-Palatinate, të cilat do të shërbejnë si një provë, dhe mbi të gjitha para zgjedhjeve parlamentare në Gjermani në fund të shtatorit.
Efekti i 32.9 përqind të votave të arritura nga dy partitë simotra CDU / CSU në zgjedhjet parlamentare 2017 u konsiderua tashmë i dobët, megjithëse Angela Merkel u rizgjodh për mandatin e saj të katërt dhe të fundit si kancelare.
