Qytetarët zviceranë kanë vendosur, ditën e diel, me anë të një referendumi që të mbështesin masat e vendosura nga qeveria për të luftuar pandeminë e koronavirusit.
Sipas rezultateve, më shumë se 60% e votuesve kundërshtuan heqjen e disa kufizimeve, përfshirë atë të pasaportës së vaksinimit.
Organizatorët e këtij referendumi kishin kërkuar heqjen e kësaj pasaporte, pasi për ta kufizonte të drejtat e njeriut.
Momentalisht, në Zvicër janë vaksinuar plotësisht rreth 66% e popullsisë kundër koronavirusit, një nga nivelet më të ulëta në Europë.
Që prej nisjes së pandemisë, qeveria i ka qëndruar besnike sistemit të demokracisë së drejtpërdrejtë, ku qeveria ka pak fuqi formale dhe janë njerëzit që thonë fjalën e fundit.
Masat kufizuese në Zvicër nuk qenë kurrë aq strikte sa në vendet fqinje. Njerëzit u lejuan të dilnin sa herë që donin ndërsa shkollat u mbyllën për vetëm disa javë. Por verën e kaluar, kur rastet po uleshin ndjeshëm, Zvicra nuk iu kthye lirisë së plotë, siç bënë vende të tjera.
