Parlamenti i ri i Shqipërisë, i dalë nga zgjedhjet e 25 qershorit, do të ketë nivelin më të lartë të përfaqësimit të grave në Kuvendin e Shqipërisë që nga viti 1992.
Në nisje të legjislaturës së re parlamentare, në shtator do të ulen në sallën e seancave plenare 39 deputete nga 140 gjithsej.
Partia Socialiste ka përfaqësimin më të lartë, me 22 deputete, e ndjekur nga Partia Demokratike me 11 deputete gra. Lëvizja Socialiste për Integrim ka 5 deputete dhe PDIU do të ketë një deputete, atë të qarkut të Dibrës, Reme Lala.
Në listat për deputetë që partitë politike dorëzuan në KQZ për zgjedhjet e 25 qershorit, nga 2374 kandidatë, 948 ishin gra. Megjithatë, partitë politike nuk iu shmangën dot gjobitjes nga Komisioni Qendror i Zgjedhjeve për mosrespektim të kuotës gjinore në listat e kandidatëve për deputetë.
Kuvendi i Shqipërisë aktual kishte 19 deputete gra ose vetëm 13 për qind. Kuotat gjinore u vendosën për herë të parë në Shqipëri në ndryshimet në Kodin Zgjedhor të vitit 2008, të vlefshme për zgjedhjet parlamentare të vitit 2009. Por, pas këtyre zgjedhjeve u konstatua se partitë politike arritën ta shmangin këtë detyrim ligjor, duke u justifikuar me sanksione minimale.
Me parimin e “kuotës gjinore” në Kodin Zgjedhor në parlamentin 2009-2013, vetëm 16 për qind e deputeteve ishin gra.
EMRAT E 140 DEPUTETEVE TE REJA TE PARLAMENTIT
Partia Socialiste
Mimi Kodheli, Kukës
Almira Xhembulla, Dibër
Elisa Spiropali, Korçë
Edlira Bode, Korçë
Evis Kushi, Elbasan
Mirela Kumbaro, Gjirokastër
Eglantina Gjermeni, Durrës
Milva Ekonomi, Durrës
Klodiana Spahiu, Durrës
Elona Hoxha/Gjebrea, Tiranë
Olta Xhaçka, Tiranë
Blerina Gjylameti, Tiranë
Vasilika Hysi, Tiranë
Ogerta Manastirliu, Tiranë
Klotilda Bushka, Tiranë
Adelina Rista, Fier
Antoneta Dhima, Fier
Tatiana Piro (Nurçe), Fier
Ermonela Valikaj, Berat
Lindita Nikolla, Lezhë
Vilma Bello, Vlorë
Senida Mesi, Shkodër
Partia Demokratike
Dhurata Çupi, Dibër
Valentina Duka, Korçë
Fatbardha Kadiu, Durrës
Orjola Pampuri, Tiranë
Rudina Hajdari, Tiranë
Grida Shqima, Tiranë
Albana Vokshi, Tiranë
Jorida Tabaku, Tiranë
Lindita Metaliaj, Lezhë
Nadire Mecorapaj, Vlorë
Izmira Ulqinaku, Shkodër
Lëvizja Socialiste për Integrim
Monika Kryemadhi, Elbasan
Nora Malaj, Durrës
Klajda Gjosha, Tiranë
Kejdi Mehmetaj, Tiranë
Floida Kërpaçi, Tiranë
PDIU
Reme Lala, Dibër
