Pamje nga ceremonia për përfshirjen e emrit Pele ne fjalorin portugez.
Pelé, emri me të cilin është njohur nga e gjithë bota Edson Arantes do Nascimento, ish-futbollisti i famshëm brazilian, tashmë ka hyrë zyrtarisht në fjalor. Propozimi ishte bërë pak kohë më parë.
Pelé është një nga 167.000 fjalët e fjalorit të emrave të përgjithshëm të gjuhës portugeze, e folur nga 265 milionë njerëz. Pseudonimi i njërit prej futbollistëve më të mëdhenj të të gjitha kohërave, i ndarë nga jeta më 29 dhjetor, në moshën 82-vjeçare, mund të përdoret në të folur në Brazil si sinonim i të shkëlqyerës.
Në fjalorin Michaelis të gjuhës portugeze, “pelé” (pa shkronjën e madhe) është sinonim i “i jashtëzakonshëm, i përsosur, i pakrahasueshëm, unik”.
